Njoftim
ISKK ka filluar punën për përgatitjen e Fjalorit Enciklopedik të Viktimave të Terrorit Komunist – shtesë, me synim plotësimin e emrave që mungojnë në serinë prej 9 vëllimesh të botuara deri tani.
Qytetarët e interesuar, të cilët kanë informacion lidhur me emrat dhe historinë e personave që mungojnë ta dorëzojnë në ISKK, mund të ndihmojnë duke na i vënë atë informacion në dispozicion.
Informacioni duhet të jetë i besueshëm dhe i verifikueshëm. Mjafton një fotokopje e dokumentit origjinal.
Dokumentet duhet të dëshmojnë për vuajtjen e një lloj dënimi politik – ekzekutim, burg, internim ose dëbim – nga regjimi komunist, por mund të shoqërohen dhe me dokumente që plotësojnë historinë e jetës së personit.
Dokumentet mund të jenë:
- Dokumente që dëshmojnë dënimin
- vendime ekzekutimi
- arrestimi, dënimi ose lirimi, ose të dyja bashkë, nga burgu, internimi ose dëbimi
- dosje gjyqësore apo hetimore
- lista dënimesh të botuara në libra, gazeta, gazeta zyrtare, apo që gjenden në arkivë
- të dhëna të botuara në libra, në gazeta
- etj.
- Dokumente plotësuese
- çertifikata personale apo familjare (përcaktimi i vendlijes)
- diploma
- ditare
- pjesë letërkëmbimi
- kartolina
- fotografi personale ose kolektive
- kujtime të shkruara nga personi apo dikush tjetër
- filma, fragmente filmmash
- etj.
- gjithçka që ndihmon për të shkruar një minihistori sa më plotë
Materialet mund të dërgohen me postë elektronike në adresën info@iskk.gov.al, me postë ose dorazi pranë Drejtorisë së Arkivës së ISKK, në adresën:
Instituti i Studimit të Krimeve dhe Pasojave të Komunizmit
Rruga Xhorxh W. Bush
Godina e Ish të Përndjekrve Politikë, Kati i Parë
Tiranë
SHQIPËRI
Për çdo pyetje apo paqartësi, ju lutem të na kontaktoni me email në adresën: info@iskk.gov.al